[سطايفية بكل فخر]

المشاركة الأصلية كتبت بواسطة توبة توبة

السلام عليكم
شكرا لك على هذا الرد الجميل و الذي افادني اما بخصوص البرودوي ما عطاونيش الاصلي تاعهم قاتلي لانو مش راح تلاقايها بدلوهلي بواحد اخر

و فيما يخص الليتوي تاعهم


و هذي اللي نحطلهم كل شهر و قالولي ما تلقايهمش هنا جي تديهم من عندنا انا لكان نصيب نلقاهم هنا



و هذي الوصفة اللي تاع العدسات



ما فهمتش واش تقصدي بالعدسة icd و لا misa المهم انا اللي دارولي كبار يفوتو حتى لبياض العين
انا العدسات لما نحيهم يبقاو عينيا حمورا مدة يعني يبقى لطراس تاع العدسات هذي نورمال و لا نو
و قالولي ما تفوتيش بيهم 6 ساعات على بعضها و علاه و تحطيت في موقف مثلا و فوت المدة واش هي الاضرار
المهم كل معلومة تقدري تفيني بيها قوليهالي ممكن انا اسئلة ما تخطرش في بالي انت جاوبيني عليها
و جزاك الله الف خير

مساء الخير غالتي
ان شاء الله والفتي وتعلمتي كيفاش تلبسيها
+
اه فعلا الاكواسوفت ديريه ديباناج برك البرودوي الاصلي تاعو هو gp avisor وراهو كاين غاليتي في سطيف
+
الايتوي لي مدوهالك عادية غاليتي ومتواجدة هنا وبالتالي لضمان سلامة العدسة كل ما تشري قرعة برودوي بدلي ليتوي هذيك يعني طيشي لبوات لقديمة وتستعملي الجديدة وهي ايضا متوفرة في سطيف بعدة اشكال
+
فعلا البروكار اكسكليزيف تاعهم ومكان حتى واحد في الجزائر عندو غير هوما لكن اذا حاصت وباصت بيك ممكن تستعملي progent هو يعمل عملو فقط طريقة استعمالو مش كيما البروكار وهو ايضا يجي من عندهم ولكن ممكن يدبر في بلاصة اخرى

+
ايسيدي ولا ميزا هوما ماركات لالونتي وراهم دارولك ميزا
+
قوليلي وين تجي لحمورا في ابيض العين او في في حاشية القرنية
مبدئيا ممكن عينك موالفتش لالونتي لانو كنتي بلا بيهم فحاجة جديدة عليه انتظري ايام ونشوفو
+
شوفي اختي هي متفوتيش 6 ساعات بيهم باش تروبوزي العين ونجدولها السيروم لانو مع لغبار ولابوسيار ممكن يدخللها فحنا نحيو لالونتي ونبدلو السيروم
اذا صرات مرة وفتي 6 ساعات نورمال مرايح يصرالك والو لكن متكثريش بزاف الاحسن ديريهم الصباح وفي نص نهار مثلا ال12 ولا 13 بدليهم وفليل نحيهم باش يستراحو يعنيك
هذا مكان لكن كون كاش خطرة فتها فعالي غاليتي مرة مش رايحة تاثر
+
اختي والله عملتي الخيار الصحيح كي درتي لالونتي سكليرال
وان شاء الله رانا معاك ولي تحتاجيها راني هنا
ونحاول نعاونك بلي نقدر
انت اي سوال اساليه وانا اذا شفت معلومة معندكش نقولها لاختي
+
ساترك لك رسالة في الخاص راجعي بريد رسائلك هنا غاليتي
فيها شيء مهم لك