فلان منزلي طبيعي و بدون مواد حافظة نوجدو كراميل عادي كمية من السكر و نذوبوها و نديروها في اواني الفلان سواء اواني فردية او قالب كبير نصف لتر حليب نضيف له فانيلا او قشور ليمون او قشور البرتقال الذوق لي نحبوه و نديروه يغلي في هذا الوقت نخلطو 3حبات بيض كاملين مع 100 غ سكر كي يغلى الحليب نضيفوه للسكر و البيض مع الخلط باش ما يطيبلناش البيض نصفو الخليط و نوضعه في الاواني لي راح نطيبو فيها هذه الاواني نحطوهم في سنيوة فيها ماء ساخن كيما حمام مريم و ندخلوه فرن مسخن من قبل على درجة حرارة 180 كي نشوفوه نشف و ما بقاش يتحرك بزاف يكون طاب قادرين ايضا ندخلو سكين و نشوفوها لا خرجت ناشفة يكون طاب