السلام عليكم
(1) هادا نموت عليه هههه يجي بنين وخفيف وقد ما يقعد يزيد يطرى ، ديريه وماتندميش ان شاء الله
4 طراف زبدة فلوريال " يعني كيلو " ، كاس سكر عادي ، كاس سكر gــلاص ،7 بيضــات ، 1 فاني ، 1 خميرة وشيّحي بالفرينة
" أنت ديري نصف الكيلة على خاطر هادي تجي بزاف "
المهم كي توجديها حطيها شوية في الفريجيدار أنا ماحطيتها لا والو وخرجلي نورمال ههه
كي تخلصي ديريهم في قوالب تاع دزيريات " أدهني لي مول بشوي زبدة باش مايلصقوش "
كي يطيبو خليهم يبردو ومبعد حطي فيهم المرة الاولى نستلي ( تكوني طيبتيه من قبل ) ومن بعد تزيدي تحطي فلان ( تكوني دوبتيه في شوي ماء أنا درت تاع الشوكو ) ولكان حبيتي ديري
في بلاصة الفلان شيكولا دايبة ، و من بعد تدري عليه شوية لوز إيفلي وإلا فارميسال و إلا مكسرات وإلا كيما حبيتي إنتي
لكان مافهمتيش كاش حاجة قوليلي ،