السلام عليكم و رحمة الله تعالى و بركاته .................................................. ........... حبيت نقدم ليكم طريقتي المعتمدة في طهي اجنحة الدجاج .............................................. المرحلة الأولى ضرورية و هي ننقع أجنحة الدجاج في الشرمولة لعدة ساعات للحصول على مذاق رائع و بنين الشرمولة هي متكونة من فنجان زيت + ملح + ( ثوم مهروس مع حشيش القصبر في المهراس ) + كمون + فلفل اسود و ادا حبيتي زيدي كركم + فنجان ماء ومن الأحسن نخليه يتنقع عدة ساعات ادا حابة ديريهم في العشاء وجديه كي تكوني طيبي في الفطور و الى للفطور وجديه من الليل هو شرط أساسي باش تحصلي على البنة الفريدة من نوعها الي قلت ليكم عليها و المرحلة الثاينة شعلي الكوشة ديالك و من بعد حطي الأجنحة في الطنجرة و خليها طيب على نار قليلة أو لربح الوقت حطيهم في الكوكوت احسبي 15 دقيقة ما تفوتيهاش و طفي النار من بعد رايحة تلقاي الأجنحة طايبين مع صوص تهبل امممم ستفيهم في المول و الى الفرن باش يتحمرو مليح و يتقرمشو و تمتعي انتي و العائلة الكريمة بأبن و ألذ أجنحة امممممممم في أمان الله