عصير الجزر المنعش امنية غفران
جيبي حبيبات جزر قطعيهم و طيبيهم مليح في الماء لازم و من بعد كي يطيبو ميكسيهم مليح بيهم و بالماء الي طابو فيه و خليه يبرد شوية
و هنايا تكوني موجدة عصير برتقال او ليمون المتوفر عندك انا كان عندي عصير ليمون في المجمد استعملته ضيفيه للجزر و زيدي ضيفي علبة ياوورت بالنكهة الي عندك و شوية سكر حسب الذوق و زيدي ميكسيهم مليح رايح يجيك عصير شوية خاثر و هادا المطلوب امممممم و دخليه اللثلاجة يبرد مليح مليح انتعاشه راهو في درجة برودته و يا سلام على لونه الجميل يهبل
بالصحة و الراحة.
__________________