السلام عليكم ورحمة الله وبركاته وصفة السيجار كانت اعطتهالي صديقتي وأختي الغالية سماح وعجبتني وهبلت عليها ودرتها في أكثر من مناسبة وكامل لي ذاقوها عجبتهم الوصفة مقادير العجينة 250غ مرغرين طرية كاس سكر ناعم فاني بيضة واحدة ونجمع الخليط بالفرينة حتى نتحصل على عجينة طرية نغلفها ببلاستيك وكل مرة نخرج الكمية لي نحتاجها فقط نحل العجين بين قطعتين بلاستيك ونقطع بطول السيجار ونلف دورة ونصف ونقطع الصور توضح أكثر نكمل الكمية نثقب السجائر بكيردون او ابرة وندخلهم الفرن 180 بعدما يطيبو ويبردو نحيهم من السيجار ونعمرهم بالكريمة مقادير الكريمة لكل علبة فلان نوارة كرمال 200غ بودرة شونتيي و240مل حليب باارد جدا 200غ بودرة الشونتيي وعلبة فلان كرمال وملعقة صغيرة عطر الكرمال وحليب بااارد ونطلع بالباتور وضروري جدا تكون الكريمة ثقيلة تملأ السجائر ونقلاصي بشكولا ذايبة وتزين حسب الموجود وحسب ذوق كل أخت كنت درتهم بكريمة التيراميسو خرجو ولا أروع ذوقهم رهيب ولو حبيتي ديريهم للسهرة مع موس الشكولا الجاهزة امممم وامممم أول يوم تحسو الوصفة عادية لكن بعد يوم أو يومين ما نحكيلكمش على الذوق تحسوها باتيسري خاصة إذا استعملتو للقلاصاج شكولا نوعيتها مليحة حرفت في الكريمة عدة مرات وكل مرة أحلى وأحلى نتمنى نكون افدتكم والوصفة راقت لاذواقكن في أمان الله وحفظه غالياتي