خبز الدار باللبن أم ياسين الزهراء
ديري 2 كيلا سميد مع 1كيلة فرينة وشوي زيت ماتكثريش باش مايتفتتش والملح السكر وخميرة الكسرة بلي باللبن المسخن مع الماء الزهر باش ينحي الريحة وخلي العجينة في الصاشي مدة ومنبعد ادا عندك البيترا لاني ندير بيه ابداي تعجني وزيدي اللبن المخلط مع ماء الزهر واعجنيه مليح وشربيه مليح ومنبعد كيتشوفيه تعجن مليح وسقيته مليح شوي جاري زيديلو طرف زبدة واعجني ومنبعد بياض البيضة وخميرة الحلوة وارميه على العجين واعجني وفرغي العجين الجاري على سنيوة تكون مدهونة بالزبدة لازم تمد طعمة مليحة وسطحيه بيدك راح يلصق بصح بلي شوي يديك وادهنيه بصفار البيضة مع شوي قهوة وسانوج وخليه يطلع وكيطلع طيبه في فور سخون وادا فورك مافيهش المروحة ديري كاسرونة تاع حديد طبعا فيها الماء راح تطلق البخار والخبز يجيك طري.