السلام عليكن اخواتي درس اليوم راح يكون معجنات بصراحة انا وماما وبابا كنا مسافرين ولحق وقت الغداء دخلنا بعتناه يجيبلنا بيتزا لكنو جابلنا تارت عجبني دوقها رغم ان مكوناتها مختلفة فتحتها وشفتها مليح ماتخافوش عليا وكي رجعت للبيت طبقتها بطريقتي الخاصة نتمنى يعجبكم ونشوف التطبيقات العجينة كيما اللي متعودة نعملهالكم 1كاس حليب دافئ+مغرف كبيرة خميرة الخبز+مغرف كبيرة سكر+فنجال مليان زيت او ربع كوب اللي كيلت بيه الحليب+ملح خلطي كل المقادير وزيدي كاس فرينة وخلطي بملعقة الخشب غطي الصحن بكيس وخليه 5د ثم زيدي باقي الفرينة وخلطي حتى تتحصلي على عجينة طرية ادهنيها بالزيت وحطيها في كيس وخليها تتخمر في هدا الوقت حضري الحشو اولا اقلي كمية من البطاطا وخليها على جنب ثم في مقلات حطي حبة بصل مقطعة مربعات صغيرة مع شوية زيت وملح وكي تدبل شوية زيديلها كمية من اللحم المفروم حسب الموجود عندك مع التحريك حتى يتغير لونو ويطيب زيديلهم2 حبات كبار طماطم مرحية بدون قشرة+سنة ثوم+ملعقة صغيرة طماطم مصبرة+ملعقة سكر لنزع الحموضة اللي في الطماطم خلي الكل على نار هادئة حتى تتركز الطماطم لكن مالازمش ينشف الخليط يبقى شوية جاري وكي تطفي النار زيدي زيتون اخضر مقطع شرائح نرجعو للعجينة كي تتخمر العجينة قسميها على 2 حلي الكويرات على سطح مرشوش بالفرينة الكويرة الاولى فرشيها في صينية مدهونة بالزبدة وفرغي فوقها نصف كمية الحشو وديري فوق كمية البطاطا المقلية وقطع من الجبن ثم فرغي كمية الحشو اللي بقاتلك وسقميه بالملعقة و الكويرة الثانية بعذ ماتحليها قطعيها شرائح بالجرارة ولا بالسكين وحطيها على الوجه كيما الصورة وكي تكمليها كلها ادهنيها ببيضة مخلطة مع شوية قهوة وعمري الفراغات بجبن مبشور ورشي جلجلان وسينوج فوق شرائح العجين وممكن تيني بزيتون اسود انا ماكانش عندي ودخليها لفرن ساخن حتى تطيب وتاخد اللون كيما في الصورة قطعيها وقدميها اممممممممممممممممممممممم وهادي لاول وحدة ترد اعتذر لان معضم الصور مافيهاش اسمي لان ميكرويا معطل وهذا آيباد نتاع اختي مابغاش يكتبلي مافهمتلوش الساس من الراس ونينا 99 هو اسمي في منتديات اخرى