[مريم الصابرة]

المشاركة الأصلية كتبت بواسطة dinho

كلامك كله صحيح أخي

أنا تزوجت من فتاة أحببتها في بداية الامر وهي تعمل في الادارة ( الولاية )

ومرت الايام وتزوجنا وبدات الفروقات تضهر بيني وبينها واصبحت تتعالى علي وتجادلني في امور كتيرة وعندما ولد لي ابن منها

طالبتها بالتوقف عن العمل فرفضت وبدات المشاكل

فما هو سر المشاكل هنا

اليس الغرور

لقد غرها منصبها ووضيفتها وتخلت عن العشرة التي كانت بيننا حتى وصلنا الى نقطة النهاية عندما قالت كلاما خطيرا لوالدتي

وخليها على ربي

فما كان مني الى ان طلقتها

السلام عليكم
عذرا على التدخل عندي مدة نشوف ردودك نقول هذا يكره النسا اكيد عندو تجربة لانو كلكم الوهراني وانت والاخ مراد سابقا عندكم نفس اللهجة والواضح هراوكم النسا لا مشكل
اخي وبكل صراحة طليقتك خممت إنت ممكن إنت السبب هل معقول هي عرفاتك قبل الزواج وتزوجتو وتفاهمتو تكمل الخدمة وعارف منصبها وهي عارفة مستواك فطنت من الغلطة بعدما رجعت ام هذا غير معقول اما إنها تمادات على الوالدة الكريمة هنا عندك الحق وماكانش لزام طلقها لانها ام إبنك لو خممت فيه لا علينا قدر الله وماشاء فعل
فهل هذا يخليك تحكم على كل النساءمن خلال تجربتك إنت محال هذي

المشاركة الأصلية كتبت بواسطة dinho

بصراحة نساء اليوم لا يصلحن للزواج

راك عارف علاه عندك الحق على خاطر رجال اليوم ماراهمش نتاع زواج ولا نتاع مسؤولية رجال اليوم للأسف ما ينفعو في والو فاشلين في كل شي وهذا واقع لو المرأ لقات راجل في كتفها يحميها ويصونها ويحجبها ويسترها مجال تخرج تخدم برا هو راقد وهي تخدم سواء كان اب او اخ او زوج إسمع اخي كاين آباء يبعثو لناتهم يخدمو او يعايرها بواش راهي تاكل يحرمها من لبسة من مصروف ويقولها ما عجبكش الحال روحي تخدمي
الاخ يجي يحوس في ساك أختو يحوس على مصروف باه يدخن وتقولي نسا ما يصلحوش صلحو الرجال باه نصلحو حنا

يصلحن فقط للاختلاط والعمل ومزاحمة الرجال

بكل صراحة روح للإدارات وشوف كون يخدم من قلبو المرا او الراجل ما زاحماتو ما والو لقات اليلاصة فارغة رجال ما ينفعوش في والو تشراك الفم الهدرة فالقهاوي الغميز واللميز و المعاكسة وبس هذي هي خدمتهم ويعسو الطالع والهابط


حتى اصبحنا لا نفرق بين الرجل والمراة لتشابه الخلقة

زحتى في هذا للرجل حصة الأسد ما شفتش رجال يلبس وردي راجل داير سوار في يدو
راجل يرقص فالأعراس وسط النسا
راجل لابس ربع سروال نصو فالارض طايح
ما شفتش راجل شعرو نص كاين ولاخر مسخوط مالقنفوذ هذو ما شفتهمش

اصبحت تلبس كالرجل وتتكلم كالرجل وتاكل وتشرب كالرجل

ما لقاتش حماية تخلقها لنفسها اخي تتعلم تعتمد على روحها هذي اللي تهدر كالراجل مازال ما شفتهاش وتاكل كيما هو مليح بصحتها

صدقني مرة من المرات رايت امراة تشرب كوكا كولا في الطريق وهي تمشي ههههههههههه

نساء اخر زمن

وعلاه حرموه شريب فالزنقة هاتلي فتوى حرام المرا لما تعطش تشرب قازوز او ما البدع راكم تزيدو من عندكم انا وحجدة نعطش نشرب كيروزان نتاع الطيارة فالطريق واش دخل الراجل فالوسط راني مستورة بحجابي وما نحكيش خلاص عطشت كليت او شربت واش دخلو
رجال رجال رجال آخر الازمان من بكري نتوما هاكا مازال ما صلحتوش وما تصلحوش الله غالب عودو رجالا لنكون نساءا
إحترامي لكل رجل هنا لا اقصد احد هو رد جماعي كما طكر الأخ النساء بشكل جماعي

لهذا هن اكتر اهل النار

نحن اهل النار خلاص جبتونا الفيزا نتوما يا سيدي روحو للجنة ما تلحقوناش للنار برك ما تقدروش تصبرو بلا بينا