منتديات الجلفة لكل الجزائريين و العرب - عرض مشاركة واحدة

الامل نور · 2012-11-25, 09:51

السلام عليكم
جبتلكم الرشتة و ان شاء الله تعجبكم

المقدير
طراف دجاج
1بصل حفنة حميصة لفت
ملح فلفل اسود قرفة و الزيت و الرشتة تكوني عملتيها في الدار ولا اشرتيها
التحضير
خدي قدرة تع الكسكاس حطي طراف تع الجاج +البصل مقطع رقيق+الملح الفلفل +الزيت
قليهم مليح + العود تع القرفة ثم امرقيها + لحميصة

حطي الرشتة تفور

كي تفور نحيها و اسقيها بالمرق تعها

خليها تتشرب
زيدي اللفت ثم حطيها تفور مرة ثانية

كي تفور حطيها في صحن كبير واسقيها مليح (اذا كنت تحبي لدام حطيلها الزبدة و حطي طراف تع الدجاج و اللفت و الحميصة و زينيها بالقرفة

انا عملت بالدجاج و الاخرى بلحم الخروف + القرعة + الجزر لان ضيوفي فهم الي يحبها بالجاج و لخرين ب اللحم
بالنسبة للعجينة اللي ماتعرفش تخدمها تقلي نوريهالها
شهية طيبة