اقتباس:
المشاركة الأصلية كتبت بواسطة yarasmin26
كاين وصفة ساهلة تاع القريوشات انا ديما نديرها وجي اذوب في الفم بشهادة لجميع جربي واكيد ترحمي اعليا اليكي المقــــــــادير"3 كوؤس فرينة+1 كاس زبدة ذايبة+ قرصة ملح +لفاني غبرة+1 خمارة الحلوى +ماء+ ماء الزهر لميها وتروكيها ترتاح وحليها بمايزينةثم في الالة رقم 6 ثم قطعيها وشكليها وقليها في زيت ايكون ساخن من قبل ومنبعد نقصي لنار وكي تبرد عسليها
***كاين الي ديري بزاف المقادير الزعفران والسكر باه اجي حمراء والحلجلان مرحي ومحمر وزيد خمارة الحلوى وخمارة الخبز ولكن الهشاشة مجيش من خمارة الخبز اجي من خمارة الحلوى
ابعد ماتبرد مليح عسليها لماذا لانه اذا درتيها وهي سخونة الزيت يطلق في العسل وجي معجنة ومشمخة
سخنى العسل مليح وديري حبات القريوشات يتشربو العسل ثم انزعيهم وديريهم في كسكاس يقطرو ثم ذرذري الجلجلان شهية طيبة
بصحتك مسبقا **
|
راني جربت القنيدلات لي حطيتيها وجاتني فووور مع القريوش يعطيك ألف صحة تستلهلس كل خير
راني حطيت الصور قاطو العيد لي درتهم