بسم الله الرحمان الرحييييييييييمممممممم اليوم عيطت لحباباتي باش يشربو قهوة عندي و درتلهم هذا القاطو لي عجبهم بززززاف و حبيت نوريهولكم والله يجي بنين و خفيف و الطريقة سهلة المقادير.: 300غ زبدة ستار 200غ سكر رطب (المرجان) 3 صفار بيض مغرفة كبيرة افاني مغرفو كبيرة قشور قارص كريمة التلصيق: معجون مشمش+ حلوة الترك مخلطين مع بعض التزيين: جوز شوكولا التحضير: تخلطي الزبدة مليييييييح بيدك حتى تولي بيضاء زيديلها السكر و خلطي مليحح و زيدي الصفار و قشور القارص و لافاني و بعد ما تخلطيهم نشفي بالفرينة حتى تحصلي على عجينة طرية و خليها ترتاح شوية مبعد رشي الصينية بالفرينة و ديري وريدات صغار بالمحقن (اللمبوط) و حطيها تطيب كيما الغريبية و كي تخرجيها خليها تبرد و لصقي وحدة فوق وحدة بالكريمة و تكون شوية بزاف و من فوق حطي قليل من الكريمة و فوقها حبة الجوز و زيني بالشوكولا