السلام عليكن اخواتي جبتلكم اليوم حلوا لذيذة نشالله تعجبكم المقادير والتحضير : خلطي 125غ زبدة كاس سكر مليح ضيفي 2 بيضات ما تحبسيش من التخلاط ضيفي كاس نواد كوكومغربل نحيلو لخشين +نصف كاس انشا ( ماي زينة ) +نصف ملعقة صغيرة خميرة الحلوى وفنيلا ونشفي بالفرينة حتى تعود عجينة متماسكة قطعي الشكولا قطع صغيرة كوري العجينة كويرات قد حبة الجوز او اقل كل كويرة ديري فيها قطعة شكولا لمي عليها العجينة حتى تخلاص العجينة طيبي الحلوى في الفور كي تشوفيه نشف وتبدل لونو اجبديه اغطصيه في معجون مشمش ورمديه في النواد كوكو الي بقا يعني لخشين نتمنى تنجحو في طيابو