[سدرةالمنتهى]

السلام عليكم

موضوع مميز بارك الله فيك

من خلال هذا القسم وقفنا عند اهم محطات في حياتنا من بينها صوم الطفولة ههههه

انا نشفى كنت نصوم بالنصف يوم في الصاح مانحسش بالجوع و العطش و بعد 1 زوالا ومع اللعب مع البنات نعطش ونجوع + رائحة الفطور تكون ماما تنصب
اتظاهر امامها بالجوع اكيييييد ماما حنينة ههههه تحطلي ناكل

لكن كل مرة نتظاهر و امي تغطي عليا حتى وحد النهار باابا عيط عليا و قالها ويكته تصوم هذه كي راكي تمسدي عليها هههههه
اتذكر كنت مازلت في مرحلة الابتدائي لكن لا اذكر اي سنة المهم في يوم 27 ارغموني على الصيام ( تقولي يعسو فيا عس ) ومع ذلك غشيت هههه
فطرت على حبة قاطو ( كانت تحضيرات العيد ) رحت لخالتي لقيتها طيب فيه تشهيت امممممممم الحق سقساتني قاتلي صايمة ولا قلتلها صايمة قاتلي امالا هاكي حقك
كي تفطري كوليه جيت لدار وخبيتو كانت الساعة جوايه 5 نتع العشية يعني قريب المغرب ياذن شهاتني حبة القاطو بديت ناكل بالفتاتة نتذوق و نرمي زعمة ههههههههههه

مرة ندي ناكل مرة نرمي زعمة باش مانفطرش هههههههه وفي الاخيييييير دخلت عليا ماما ولقاتني ناكل فيها بالفتات قاتلي غييييييير كمليها مش هذا هو الصيام
قلتلها لالا ماكليتش غير الفتات برك ههههههههه

وكنت براءة مش عارفة صح من هذاك النهار وراتلي ماما بلي الصيام لازم مادخلي حتى حاجة لفمك حتى و تخبية على الناس بصح حنا رانا صايمين لربي سبحانو هو اللي راه يشوف فينا

هذه قصة رمضاني و طفولتي ربي يغفرلنا