منتديات الجلفة لكل الجزائريين و العرب - عرض مشاركة واحدة - قاطو لكل المناسبات
عرض مشاركة واحدة
قديم 2012-06-18, 12:55   رقم المشاركة : 1
معلومات العضو
أم سراج الدين
عضو مميّز
 
إحصائية العضو










افتراضي قاطو لكل المناسبات

صباح الخير على الاحباب

نتمنى تكونو بالف خير

حبيت نشاركم بقاطو تاع بوفريوة درناه انا و اختي سميرة لعرس صاحبتها يوم 23 جوان 2012 ان شاء الله نتمنالها كل خير
هذا القاطو يجي يهبل و يجي طري و يذوب في الفم

نبداو بسم الله

المقادير
500 غ زبدة
200 غ سكر رطب
2 بيض كاملين
2صفار بيض
و الفرينة تشيحي بيها حوالي 1 كغ



طريقة التحضير
نبداو نخدمو الزبدة باليد مليح.


نضيفو السكر و نخدموه مع الزبدة حتى يدوب


نزيدو البيض


و نخلطو ثم نشيحو بالفرينة حتى نتحصل على عجينة طرية (ماتكتروش الفرينة قادر ما نتحتاجوش كيلو كامل)
نخلوها ترتاح ساعة من زمان

نحضرو لمول صغار و نخدمو العجينة فيه نكور كويرات صغار نوزعوهم ع لمول من تم نخدموه على المول و نطلعو الزايد من العجينة




نطيبوه و نحوه من لمول و هو سخون و نخلوه يبرد
حنا عمرناه بنيستلي من داخل ع الجهتين و نركبهم فوق بعض
من فوق بشوية نستلي نلصقو حبة بوفريوة
noisette









كي يشيح نديرولو شوية برويو و شهية طيبة

ملاحظة: بوفريوة نحطوه في العسل مخفف بماء الزهر بعد ما نسخنو و نخليهم يقطرو ثم نزين بيهم باش يجي يبرق
500 غ زبدة طلعتنا حوالي 113 حبة فوق بعض








 


رد مع اقتباس