السلام عليكم
اسمحولي طولت عليكم بصح راني جيت وجبتلكم الوصفة لي طلبتوها والوصفة راهي أكيدة لاني جبتها من عند مختصة فالحلويات والكريمات.
https://im16.gulfup.com/2012-05-11/1336741651331.jpg
المقادير:
2 كيسان حليب سائل
2 صفار بيض
3 ملاعق أكل سكر
ملعقة صغيرة فانيليا
ملعقة ونصف أكل نشا
2 ملاعق أكل قشور القارص
100 غ كريمة شانتي
50 غ زبدة
فراولة ولوز ايفيلي
كيفية التحضير:
- نفرغ الحليب في كاسرولة وندفيه شوية
- نتأتي بإناء ونضع فيه صفار البيض + السكر + النشا + الفانيليا ونضربوهم مليح ( سواء بالخلاط الكهربائي أو بالمضرب اليدوي)
- نضيف الحليب الدافئ تدريجيا مع مواصلة الخفق
- قبل وضع المزيج فوق النار نصفيه ثم نفرغ المزيج المصفى في كاسولة ونضيف قشور القارص ونضعها فوق النار
- بواسط ملعقة خشبية نحرك ونواصل التحريك حتى نحصل على مزيج متكاثف
- ننزعها من فوق النار ونواصل التحريك بالملعقة الخشبية حتى تنخفض حرارة المزيج قليلا ثم نضيف الزبدة.
- نتركها على جنب حتى تبرد جيدا في هذه الأثناء نقوم بخفق كريمة الشانتي مع الحليب( انا نستعمل 3 ملاعق اكل شانتي مع 2 ملاعق اكل حليب بارد)
- في هذه الأثناء يكون المزيج برد نقوم باضافة نصف كمية كريمة الشانتي تدريجيا الى الخليط الاول مع التحريك من تحت الى فوق
- نضع المزيج في قوالب ونزينها بكريمة الشانتي واللوز ايفيلي المحمص ونزين بالفراولة أو حسب الفواكه المتواجدة عندكم.
و شهية طيبة
من فضلكم كلمة شكر تفرحني وتحفزني للإجتهاد أكثر لذا لا تبخلوا علي وأنا لم ولن أبخل عليكم .
أختكم في الله وهيبة