احنا اللي يجمع بين تونس و الجزائر موش شوية, الدين و اللغة و الجغرافيا واللهجة و حتى المستعمر , لكن اللي أهم من هذا الكل اللي يجمعنا هو الدم التونسي و الجزائري اللي اختلطو ببعضهم , هذا الدم اللي جرى سواقي لما قصفهم المستعمر و هوما مجتمعين باش يساندو بعضهم أيام المحن و اللي يحب يعرف أكثر على التاريخ يشوف حتى في النت على أحداث ساقية سيدي يوسف هذه الذكرى اللي احنا في تونس كل سنة نحتفلو بيها!!!!!!!!! المهم أختي أم دودو , حتى انا من اللي حليت عيني في الدنيا نلقى الجدود يطيبو الملوخية و في جميع جهات تونس, الله أعلم الأصل منين لكن احنا بلاد واحدة مع الجزائر و هذا دليل اخر انه حتى الاكل كان يجمعنا من زمان. الملوخية تتزرع في مناطق كثيرة في تونس و نتخيل نفس الشيء في الجزائر , و الملوخية اللي شفتوها في الصورة من فوق هذيكة اتزرعت في أرض والدي ربي يفضلو و يحميه, و عايلتي هي اللي تجففو و ترحيه, و انا نهز العولة متاعي بكلها من تونس لأنه كيما تعرفو هنا في السعودية ثمة برشة حاجات موش متوفرة. و حتى تتعرفو أكثر على عاداتنا أحنا في كل دار نطيبوها في اخر يوم في رمضان باش ناكلوها يوم العيد (لو تجي لتونس في هاك اليوم الريحة تعرضك من المطار ) و نطيبوها في الأعراس و في أول يوم من السنة الهجرية باش يجي العام أخضر ههههههههه عزيزتي أم دودو أطلبي مني اللي تحبي عليه و انا نوعدك انو اللي نقدر عليه و الوصفة اللي نعرفها ان شاء الله نجاوبك عليها و هذه حاجة تفرحني برشة.