بعد بسم الله السلام عليكم هذه الوصفة تقدم كتحلية او مع مشروبات لذلك حطيتها في قسم التحليات وهي لذيذة وسهلة التحضير التحضير: اولا نحضر العجينة المكسرة: 250غ فرينة +نصف مغرف صغيرة ملح+ فاني +2 مغارف سكر ناعم + 125غ زبدة قطع اخدمي باطراف الاصابع ثم ضيفي صفار بيضة والقليل من الماء البارد لميها بسرعة ودخليها للثلاجة ترتاح 30د هذه العجينة ملزمش تعجنيها غير تتجمع خلاص. ثم حليها وديريها في لمول وثقبيها ودخليها تطيب تماما تقدري ديريها في مول كبير لما تبرد عمريها بالفريز مقطع ثم حضري الفلان عادي ديري ربع لتر حليب + باطة فلان نوارة فاني او فريز او كرمال وحطيه على النار لما يغلي نحيه من النار وخليه 2 دقايق وفرغيه فوق التارتولات ودخليهم للثلاجة يبردوا ثم قدميهم تقدري ديري هذي الوصفة بالتفاح تقطعيه ابراج وديري يطيب مع شوي سكر لمدة 5د وتبعي نفس الوصفة نشا الله تعجبكم وتجربوها تحياتي للجميع