السلام عليكم بعد بسم الله هذه الوصفة شفتها في برنامج صباحي وجربتها عدة مرات تجي خفيفة رائعة بسكوي عندك 5 بيضات + فاني +90غ سكر تخبطيهم حتى تصبح رغوة هذه المرحلة مهمة + 75غ فرينة مغربلة تخلطيها بدون خلاط بملعقة خشب ثم ديريها في مول تاع البسكوي يكون مغلف بالورق الخاص بالطبخ ودخليه يطيب في فرن 200 درجة لمدة 10د. تحضري كريم موسلين وهي كريم باتسيير لما تطيب ديريلها كمية من الزبدة وخبطيها لما يطيب البسكوي نحيه من الورق رشيه بالسيرو يكون خفيف ثم ادهنيه با لكريمة ولويه ثم ادهنيه بالكريم شانتي وزوقيه كيما حبيتي انا زوقت واش كان عندي فدار انا استعملت كريم فريش ضربتها مع السكر ناعم وفاني حتى رجعت شانتي اما اذا درتوها بالكريم شانتي بودرة ديرو 100غ بودرة الشانتي + كاس ماء بارد + فاني + 2 مغارف سكرناعم خبطيهم بالباتور حتى تطلع كريمة نتمنى يعجبكم.