الشعب الجزائري عندو عقلية انهزامية شعب مايعرفش صلاحو
يا خاوتي الفساد راهو زايد يستفحل في الجزائر
وانا نظن انو لقول انو ضد المسيرة مايحبش بلادو مايحبش بلادو تكون مزدهرة
ولا راه عاجبكم الحال وانتوما عايشين في القهر والي يقول راني ضد المسيرة انا نعرف انو خدام وداخل للخدمة نتاع بطريقة غير شرعية وخايف على بلاصتو
وقتاش رايحين تنحيو الغبرة على ارواحكم
علاش ديما تفكرونا بالعشرية السوداء هي سنوات كانت فيها تصفية حسابات بين افراد معينة وراح الضحية الشعب
وعلاش حسبتو بلي راح وقت العشرية انا في راي مازال رانا نعانيو منها لحد الان كان كل شي مفتعل
ولازم تعرفو حاجة كل الازمات الي راها تمر بيها لبلاد ازمات مفتعلة يخلو الشعب يتخبط فيها وقت معين ومن بعد يحلو هاداك المشكل المفتعل او بالاحرى مشكل ملكانش منو باش الشعب يقول الدولة راهي تخدم لصالح لبلاد والواقع انو هي الي دارت المشكل وهي الي حلاتو هادا واش كاين
علاش ماراكمش عارفين بلي الصحراء نتاعنا راهي مبيوعة لامريكا وفرنسا وبريطانيا رانا غير خدامين عندهم في بلادنا ........وقتاش رايحين تفوقو ياشعب المهانة والذل بقينا غير نتغناو بثورة 54 وامجادها والشعب قاتلو الشر ..
وانا في راي في المسيرة نرفض احتواء الاحزاب للمسيرة لازم مسيرة من طرف شباب لا ينتمون الي اي حزب لاننا نعرف ان الاحزاف ليست احزاب معرضة كلها من صنع الدولة
بركاونا من سياسة التخويف نعم للتغيير لا للفساد والمحسوبية
هيا يا شباب العلى نبني المستقبل بانفسنا