كتابه المقالات هى اول واصعب واهم خطوه فى بناء اى موقع لانه فى الاساس اسمها تدوينه والموقع عباره عن مجموعه من التدوينات المتخصصه والمرتبطه بمجال معين او حتى بقسم معين ضمن عده مجالات
ممكن تدوينه ترفعك وممكن تدوينه تخيب ظنك
ممكن تدوينه تاكل من وراها الشهد وممكن تدوينه تعيشك فى غم ونكد
عالم التدوين ليس بالعدد ولا الكميه ولكنه بالفاعليه المنتظره منه فممكن موقع يحتوى على الف تدوينه ولا يحصد شىء ولا يستقبل اى زيارات ولا ارباح
وممكن موقع اخر يحتوى على 30 تدوينه ويستحوذ على معظم الزيارات والارباح للكلمه المستهدفه
ممكن تجيب ناس تشتغل معاك تدوين مقالات وتدفعلهم مبالغ طائله ولكن فى نفس الوقت لا ترى اى عوائد او ارباح او حتى زيارات كما كنت تتوقع
نرى فى بعض الاحيان عروض لكتابه مقالات باسعار زهيده 5 و10 و15 و20 جنيه للمقاله ولا عيب فى ذلك لكن معروف فى قانون العرض والطلب ان اغلى الاشياء هى الاشياء النادره والشحيحه الاصيله وان ارخص الاشياء هى الاشياء المكمله او الاكسسوارات وتبعا لهذا القانون انت تطلب مدون مكمل وليس اصلى
والحل السليم فى هذا الموضوع هو البحث عن الكيف وليس الكم بمعنى انك تبحث عن اشخاص مدونين يحققون نتائج فعليه تساعدك فى عملك وليس عددك
وبدل ما توظف سخص يكتبلك المقاله الواحده ب 15ج فيكتب لك 7 مقالات ب 100 ج وتركنهم ع الرف جنب اخواتهم تقدر تغير الاسلوب وتوظف شخص اخر يكتبلك مقاله شامله ب 100 ج تساعدك على المنافسه والظهور وزياده الارباح
فمعروف ان تفرغ شخص لكتابه 10 مقالات يوميا يختلف تماما عن تفرغه لكتابه مقاله واحده ناجحه ومع الايام هتلاقى فروقات كثيره فى الانتاجيه الفاعله
اتوقع ان هذه النصيحه ستلاقى معارضه شديده من بعض الاخوه والاحباب لكنها بالفعل هى اول خطوه من خطوات العلاج المر وتصحيح المسار
التدوين فى شغلنا هو اصعب مرحله فلا تستند فى عملك على المتساهلين او تسترخص لاء يا سيدى الغالى ثمنه فيه والاستعانه بالخبرات الصحيحه اول خطوه فى تحسين ظهور اى موقع اذا كنت لا تستطيع الكتابه بنفسك لان مفيش حد هيخاف على شغلك اكتر منك