بما انو شهر رمضان الكريم على الابواب الله يدخله علينا بالصحة والمغفرة جبتلكم اخواتي طريقة قلب اللوز مثل تاع المحلات كما عودتكم دائما طريقة سهلة وناجحة بسم الله تفضلو معي المقادير 4كسان سميد فاخر (خشين) كاس نصفه ماء وكملي الباقي ماء الزهر 2كسان سكر مغرفة لفاني مغرفة سمن صغيرة كما فالصورة الشربات 4 كيسان و نصف ماء 2كيسان. سكر القارص نصف كاس ماء الزهر طريقة تحضير الشربات ضعي فالكاسرون الماء السكر القارص وتركيه يغلي مدة 10دقائق ثم ضفيله ماء الزهر وتركيه جانبا الطريقة ضعي في صحن السميد ضفيله السكر خلطيهم مع بعض جيدا ثم الازم تحكي الكل بين يديك مع اضافة الماء وماء الزهر على ثلاثة دفعات لازم تحكي مليح المقادير بيديك حتى يرجع الخليط معسل هدا هو سر نجاح الهريسة او قلب الوز في هدا انا نخدمه في الليل وفالغد نطيبه ونتركه يبرد باش فالمساء يتقهواو بيه كما تقدري تخدميه وتتركيه يرتاح على الاقل 4سوايع رايحا تصبيه معسل كما في الصورة ضفيله الكاوكاو او اللوز محمص ومرحي مهرمش خلطيها باش يندمج الكاوكاو مع المقدير ثم ضعيها فالمول وبسطيها بالمغرفة باش تجي متساوية ادهني الوجه بالسمن او الزبدة جيدا باش يعطيها اللون الدهبي قطعي بالسكين بدون ماتوصلي للقاع تاع المول ضعي فيكل مربع حبة كاوكاو او لوزة انا استعملته افلي محمص دخلي قلب اللوز الى الفرن مسخن من قبل انا نطيبه في فرن الغاز على نار متوسطة حتي يحمار مباشرتا وهو سخون اسقيه ورجعيه للفرن يكون مطفي بيهده الطريقة يتشرب بسرعة ويتعسل ملاحضة انا رني قدمتلكم 2طرق تاع الشربات وحدة بالسكر العادي واخرى بالسكر البني وانتي ولي عندك . . . . . . . لبنات اتمنى تنجحو في تحضيره لانو رائع كي تحضريه فالمنزل يجي احسن ماتشريه تاكلي منو وتصدقي الله يقبل اخواتي يكفيني دعائكم لزوجي بالشفاء العاجل[/SIZE][/B]