بوسو لاتمسو ام رحاب
3 كيلات فرينة ايكونو معمرين
كيلة مرقرين وكيلة تانية كيلة غير ربع انا كيلت بكاس تاع قازوز الكاس الاول معمرة وتانية ماشي معمرة مليح
2 مغارف سكر قلاص وساشي لافاني ومغرفة صغيرة خميرة كميائية ومبشور القارص وقليل من الحليب هادي كامل المكونات
انحط الفرينة وانحط عليها المرقرين وانحط 2 مغارف سكر قلاص ولافاني والخميرة وكي نعجنهم انحط كمية قليلة من الحليب مخلط مالازمش اتكثري الحليب باه ماتخصرلكش الوصفة ومبشور القارص وامبعد ديريها حربوش وشكليها مقروطات وانطيبهم في فرن 180 د وكي يطيب خليه حتان يبرد باه تمسيه امبعد وجدي عصير الليمون رمديه فيه وسكريه بالسكر قلاص
ايجي خفيف وبنين ايشهي .