وعليكم السلام أختي جميلة
لن تشفع لك لا تلك الإبتسامة ولا الضحكة ولا غيرها من المبررات زعمة جايبة شوي ورد!!!!! بفعلتك كسرت فؤادي وما الذي قد يجبره؟
ثم بقولك أن الكثير من الردود كانت جدية وكأنك تريدين القول أن الإستضافة كانت بطعم *** اللفت *** أم أنا مخطئة؟
ماذا فعلت لك وأي ذنب هذا الذي اقترفته في حقك؟!!!!
هل احسست بالاهمال تتوقعين أن أقول لا!!!! للأسف سأقول : بلى .
كل من سبق إما احضروا له كرسيا أو مشروبا إلا أنا.....
تهلاي منا للقدام ديري عرضات وعرضيني
- ابتساااااااااامة عريضة حتى ضرس العقل بانت -
الغائب عذره معه جميلة وكل وله مشاغله في هذه الحياة والظروف تجعل القطار أحيانا يحيد عن سكته.....ولا يهمك صافية لبن...
بعض الطرائف التي حصلت معي راح نحكيها بلهجتنا كبونيس من عندي:
مرة كنت نمشي لقيت باب دارنا مفتوح دخلت....هذي هي واش نقعد ندير برا......سأتكلم بجدية:
1- هذا يا سيدي كنت نقرى فالسيام وكنا فحص العربية وكان الأستاذ يشرح فالدرس وانا نمضغ فالعلك نمضغ نمضغ وكي يخزر فيا نحبس ونرجع نمضغ وكي يخزر من جهتي نحبس انا في بالي ماهوش شايفني ولكن كي تعمر قلبو طار ضربة واحدة فيا وقالي ترمي العلك من فمك والا ضربة نجيبك فالحيط وطلعولي كحل فالقسم بديت نبكي وقتلهم حاجة طاحت فعيني انا ما كنت متوقعتها منو وهو متوقعها مني ومن ثم حرمت العلك فالقسم.
2- جانا مرة ضياف روطار حنا قلنا يقعدو يتعشاو قاتلي امي عجنينا لكسرة أيا حطيت القصعة وصوالحها كاملين ودايرة في بالي بلي راح تجي روعة......عجنتها وحكمني شوي غرور...كملتها وخليتها تخمر وانا رايحة وجاية ونقول امي راح تفتخر بيا فالاخير الضياف مقعدوش والكسرة مخمرتش...كي بديت نمخمخ ونحلل لقيت بلي مادرت لخمارة لا ملح كون قعدو كون دخلت أنا للكوشة......
2- مؤخرا توجهت للصالون خفية باه نهدر مع أختي في حوايج خصوصية وقفت عند الباب باه نحكم ريزو التحركات ونضمن السرية التامة وكان النوافذ مغلوقين والضو طافي...وبديت نحكي وفي منتصف الكلام باه نتبهت بلي ختي كانت تشيرلي فالجانب الآخر من الصالون بلي كاين شخص تم صح الدم تجمد فالعروق ولما خزرت لقيت أخي الكبير لي ممعاهش اللعب متكسل...تمنيت صح الأرض تنشق وتبلعني....
أنا أعجبتني هذه الطرافات والناس أذواق أقولها قبل أن تقولوها....
أما عن تعاملي مع الناس فأول ما يجذبني هو الأدب والإحترام ثم الأمور الأخرى الفئة التي تتمتع بهذه الصفات تدخل بسهولة إلى حديقتي الخاصة وأكيد ما يقوي علاقتي بهم هو الصدق والثقة خاصة التواضع حتى هنا فالمنتدى المتواضعين ومن يتعاملون مع الناس دون طبقية ومحسوبية يكون من السهل اني نتعمق معهم فالعلاقات وفقط.....
إلى آخر تدخل لي بيان 12 نوفمبر
ربي يخليك أختي لاهلك وللمنتدى