السلام عليكم
يا اختي ماكش obligée تتحمل الشيء هذا لازم تلقى حل لوقتاش تبقى صابرة انت بذاتك قلتيها للصبر حدود
شوف يا اختي نقولك حاجة الرجل اذا ولفتيه التنازلات وحتى هو مين يغلط انت تروح تطلب السماح راح يوالف ويدير قرون كون من الاول كانت عندك شخصية قوية وعندك راي يديرلك الف حساب قبل مايدير حاجة
انت ولفتيه يضربك تروح تجري عندو تقولوا سامحني c'est normal يعيش كيما الشيكور وميديهاش فيك
انت ذالة روحك بروحك مالا متتوقعش يقيمك هو يقول هي حاقرة روحها وانا علاه
هاذو مجرد نصائح مديتهملك
نرجع لصلب الموضوع
الا الضرب والسب والشتم ماكش ésclave عندو خلاص وقت العبودية عدا وراح بصح مع الاسف الشديد ندوروا ندوروا ونلقاو بلي انت سبب الفوضى العارمة لعايشة فيها
سكوتك كان في غير محله
درك نوصيك لوكان منعرف واش يصرا رد بالك تعيطلوا ولا تقولوا اسفة ولا منعرف واش خليه هو يفيق مع روحو ويفيق بالغلط تاعه
يحوسوا على بنات الفاميليا باش يحقروا عليهم
زوجك انسان ميخافش ربي سبحانه وتعالى ومشي راجل وخسارة فيه حتى شبه رجل
لايمد للرجولة بصلة
ماكش مقطوعة من شجرة خليه يحس بلي وراك رجال وعندك والديك يوقفوا معاك ويساندوك في محنتك
كثر من حسبي الله ونعم الوكيل وان شاء الله ربي ياخذ الحق
رد بالك ذل روحك مجددا لانو الرجل ميحبش المراة الضعيفة لنهار طول وهي دمع في عينيها وتبكي هاذ الصنف يحتقروا ويشوف روحوا منعرف شكون قدامها حتى لوكان مثلا هو مشي قاري وهي قارية يولي حاسب على روحو
بالتوفيق