اختي ام شمسو عينيك الشابين وين نبان معاكم ماشاء الله على كل فراشة عندها التزامات اكثر مني و عائلة اكبر و بما انو نسكن وحدي كاين اللي التزاماتهم مع عايلات اكبر و اطفال وربما احفاد اكييد مانلحقهمش ربي يبارك في نشاطهم وحيويتهم ....الرواية اللي راني نقرا فيها رائعة بززاف تحكي على النفسية البشرية و كيفاش تقدر تنقلب من الاسوء للاحسن او العكس...و تطرح الرواية وضعيات اجتماعية وتاثيرها على حياة الشخص فمنها من يستغل الظروف للتفوق والنجاح والرقي بالاخلاق و مواجهة الصعاب وهناك من يتخذها سببا في انحدار اخلاقه وفشله في اي ميدان ....الكتاب موسوعة تضم افكارا متناقضة للنفس البشرية و كل نظرية تحتمل الصواب والخطا....ننصحك تقراي الكتاب بجزئيه انا قريت الجزء الاول ماقدرتش مانكملوش ...زدت راني في الثاني...اجمل شي يعجبني في القراءة والمطالعة هو توسيع معرفتك بعالمك والناس المحيطين بيك...ويزيد فهمك لعقليات ماكنتيش تفهميهم...و يعلمك فن المعاملة كماتحب ان تعامل لانك تعيش احداث و احاسيس اشخاص مختلفين تماااما عنك...كالفقير و المريض ....الخ....وهكذا تعيش احاسيسهم كانك داخلهم...وهو شيء جمييييل بزززاف .....المطالعة عندها سحر وجمالية خاصة ماتلقاهاش في شيء اخر...