[- بصمة خير -]

انتي المهم عندك راه مليح معاك و يعرف حقوقه و واجباته
هذا اللي يهمك و خلااااااااص
راه كبير و يعرف صلاحه و يعرف الصح من الغلط
حتى واحد يحاسبو غير اللي خلقو
و الله سبحانه في كتابه يقول
"وَلَكِن جَعَلْنَاهُ نُورًا نَّهْدِي بِهِ مَن نَّشَاءُ مِنْ عِبَادِنَا"
نوح عليه السلام قداه من عام و هو مع القبيلة و ما قدر يهدي حتى وحد لانها عند الله فقط
فوضي امرك لله
و ماديرش روحك عليه انتي تصلي و تقراي القران ووووو و هو لالا
يعني تباني انتي اللي خير منو
راكي تزيدي تخليه يقسى قلبو عليك

وحدة تحكيلنا على امها و ابيها
قالتنا باباها ما يصليش خلااااااااااااااااااااااااااااااص
مش يصلي و ساعة يحبس
و الا ما يصليش في الجامع
ما يصليش خلااااااااااااااااااااااااااااص
و امها تصلي و تحافظ على صلاتها و خصوصا صلاة الصبح
و مرة باباها قرر يتوب و بدا يصلي
بعد ما كبرو و اصبحو جدة وجد
قالولو كيفاه حتى راكي تصلي
قاللهم مرتي
قاللهم انا ما نصليش و هي تصلي
و تنوض للصبح و لكن و لا مرة قلقتني لما راهي تنوض للصبح تعرفني نحب نرقد ما تقلقنيش كما تنوض
و لا مرة عايرتني مانيش نصلي
و لا مرة حسستني بالنقص مانيش نصلي
دايما مليحة معايا
حتى قررت نصلي
و هي السبب
و علمت الاولاد يصليلو و كامل يصليو
و لا مرة قللت من قمتي قدامهم
و هذه اللي تحكيلنا الحكاية
تقوللنا كامل نصليو من الصغر
و بابانا و لامرة قلقناه لانو مش يصلي
و دايما امي تشكرو قدامنا و تقوم بيه

ان شاء الله تكوني فهمتي المغزى من القصة

ناس بكري
ما قراو ما عندهم الانترنت و لا شيء
و يعرفو يتعاملو

الله يرزقنا علمهم