[سطايفية بكل فخر]

المشاركة الأصلية كتبت بواسطة Aminovic09

شكرا في امان الله ليلة سعيدة

السلام عليكم اخي
سمحلي طولت عليك مقعدتش
شوف اخي
راني خرجتلك لالونتي من الوصفة لقديمة لي بيها خدمت نظاراتك يعني تاع 2012
وبخصوص لاطاي تاع لالونتي استندت للطبيبة الجددية لانو الوصفة لقديمة معندش فيها اي حاجة تساعدني
وعليه لالونتي لي يليق ديرها هي
lentille souple torique
OD: -16 (-2 à 180°) et OG: -18.5 (-1.50 à 180°) et
rayon de courbure :8.60 mm
Diamètre : 14 mm
ظرك بقاتلك كيفاش تقول للاوبتيسيان
تحب تقولو خرجي ليلونتي من الوصفة تاعي وشوفو اسكو يخرجلك نفس الرقم او راهو يخرط
الو تحب تروح للطبيبة تكتبلك هذي الارقام في وصفة او تعاود تحسب وحدها وتكتبلك وصفة باش تروح تشري
او تحب تقولو طول دبر راسك
انت ادرى بعقلية ليزوبتيسيان تاوعكم
فقط نصيحة اخطيك من لامارك كورنيليا
دير سوفلاكس ولا مينيكون
ونحب نولهم
راهي كاين لي تشد من عام لعام ونص حسب اعتنائك بها
وكاين تاع شهر وكاينة تاع ثلاث اشهر
يعني كاين ليمارك بزاف
شوف انت وشا يساعدك في اللبس والسومة
فقط ابتعد عن كورنيليا اخي
وربي يسهلك ويشافيك
بخصوص الاستعمال
هاك هذا الموضوع تاعي حول العدسات رايح يفيدك اخي
واي سوال راني في الخدمة
https://www.djelfa.info/vb/showthread.php?t=1880259
ربي يوفق