السلام عليكم ورحمة الله وبركاته
بالنسبة للشربة فارميسال أنا نعملها بيضاء:
نحط قطع دجاج مع حبة بصل و سنينات ثوم و ملح (ما نكثرش) فلفل أبيض شوية كركم طبعا و ملعقة زيت و ملعقة زبدة و نقليها مليح ثم نمرق بماء سخون و ما نكثرش تقريبا نمرق ب 1.25 لتر ماء و نلوح فيها كويرات من اللحم المفروم المداوي بملح فلفل أبيض ثوم بودرة و بيض و معدنوس مقطع رقيق جدا و شوية شابلير و نخدمهم مليح باش يرطابو و ما يتفتحوش لما نرميهم في المرق و نخلي البرمة تاعي تغلي على نار هادئة باش ما يتقلصش المرق قبل ما تطيب أصلا الدجاج ما ياخدش وقت كثير فالطياب خصوصا إذا قليتيه مليح, من بعد لما يطيب الجاج و اللحم نلوح كمية من الفارميسال و نخليها قليلا حتى تطرى و تطيب و نطفي عليها و نحطلها معدنوس مقطع و عصرة ليمون و نغلق عليها و نخليها إلى وقت التقديم حيث نقدمها بالمعدنوس و رونديلات ليمون و تجي خفييييفة و لذيذة حنا كي نحبو نريحو من الفريك نديروها