مدرسة الحراش من احسن المدراس لكل من يريد ان يتخلص من اعباء الخدمة الوطنية سواء من النسبة الكبيرة في الخروج ك فائض او حتى اذا اداها فستكون بردا وسلاما على غرار باقي الثكنات يعني هنا نقصد المعاملة و موقع المدرسة النظافة الاطارات يولون اهمية لسمعة المدرسة من خلال طالبي الالتحاق بتادية الخدمة الوطنية
شوف روح ادخل واتوكل على ربي من نهار لول الي بعثوك فيه اذا كان عندك دوسي ميديكال اديه معاك وهكا باه ماتتمزيرش في المرقد لانو دائما الي جاو روطار تطفر فيهم في الرقاد وساديبو وين يحطوهم
في الايام الاولى اصبر مليح اخي وتوكل على ربي ومع الوقت تبدا توالف حتى يجو يديرو لا ليست تلقا روحك تعودت على الاجواء وما عدتش يهمك اذا طلقوك ولا حكموك خاطر تبدا تحلي وتعرف خاوتك من 48 ولاية وتتقاسمو الحلوة والمرة كيف كيف لانكم في نفس الوضعية وهذا الشيء الايجابي كامل في المدرسة
بالنسبة للمدة الي راح تبقى فيها تم حتى يقرو يحكموك ولا يطلقوك هي بين 15 الى 20 الى 30 يوم للملتحقين في اول يوم وهو 15 ماي
فيها خير ان شاء الله اتوكلو على ربي خاوتي وروحو نحو الغبينة من طريقكم
والسلام عليكم