ماسيدوان أو سلطة أرز صحية و شهية و سهلة التحضير 1- في قدرة غلي الماء + م ك زيت زيتون + أرز + ملح و خليه يطيب و فوق القدر كسكاس به جزر مقطع مكعبات صغيرة + جلبانة و نخليهم يفورو + و في نفس الوقت حطي البيض يغلي 2- شريت طون بالزيت زيتون بنين و صحي 3- كي طيب جميع المكونات في إناء كبير ضعي الأرز + الجلبانة و الجزر المفورين + البيض المغلي المقطع مكعبات + الطون (ماكلاه تزيدي زيت لأنو الطون مزيت يكفي و يوفي) شوفي الألوان شحال شابة 4- و خلطي جميع المكونات مليح و هاي سلطة خفيفة و ظريفة و بنينة 5- و قدميها بالصحة و الراحـــــــة 6- أنا زدت فيها لاصوص لي كنت عملتها من قبل بالياوورت الطبيعي و الجبن الطبيعي 7- و هايليك صورة الجبن الطبيعي بدون ملح و 28% فقط ماتياغ غراس و كاين بنكهات مختلفة كاين تاع الزيتون و كاين تاع الثوم و غيرهم شفــــتـــــــــــــــو ما رانيش محرومة من الأكل راني نشبع الحمد لله و الأكل بنين و صحي