المادلان om kamilia لي تقريبا تشبه او باالاحرى تقدري الطعم الحقيقي وانا في الحقيقة كل مرة نجرب ونخط في مخبري المطبي طبعا وعجبتني واحد النتيجة توصلت ليها حقيقة ذوق مادلين ماجدلين بنكهة الفرولة او المشاش لي تتباع في سوبيرات ونعطيلك الوصفتين الاولى درت 3 حبات بيض فصلت البياض ضربتو وحدو وضربت الصفار مع كاس سكر ناقص 2مغارفاكل بالطبع اذا نحشوه بمربى حتى يتغير لونو زدت عليه كاس زيت مش معمر كليا على شكل سرسوب كما نديرو للمايونيز واضفت علبة ياوورت ذوق ليمون وقشور الليمون وفانيليا خلطتهم ونص علبة الياووورت حليب واضفت بياض بيض وفرينة كاس الاول مع كيس ونص كيس خميرة كميائية وزيدي الفرينة حتى تتحصلي على خليط رغوي مش عاقد بزاف مش جاري فرغي في حاويات المادلان والى الفرن على حرارة 150 ْ لمدة تقريبا 25 ــ 30 دقيقة والتزين كي يبردو تقدري تحشيهم بالمربى لي تحبي انا مع نكهة القارس حشيتهم بمربى المشماش والوصفة الثانية هي نفس المقادير برك هنا تبعت وصفة السحرية لام تاجو ودرتها بذوق الفرولة آمممم ضربت 3 حبات بيض مع كاس سكر مش معمر مليح حتى يبيض الخليط وضفت كاس حلب يغلي مع الخلط ونص علبة ياووورت فرولة مع منكه فرولة مع قشور برتقال و فانيليا وكاس زيت مش معمر بالكامل يعني ثلاثة ارباع والفرينة مع الخميرة كما الوصفة الاولى تقريبا كيس ونص خميرة كمائية و2 كيسان فرينة و4 مغارف فرينة ونت شوفي حسب نوعية فرينة تاعك وطيبتو في كيسات كي برد و حشيتو بمربى الفرولة لكن احسن تكون نوعية جيدة وتقدري تديريه بنكهة البرتقال ومحشو بمربى البرتقال او نكهة الليمون محشو بمربى الليمون او نكهة المشمش بمربى المشمش و عديد من نكهات مثلا نكهة الكراميل مع نستلي او شكولا بننوتيلا آممممم راح خيالي لبعيد , بالزبيب كاين بزاف افكار , وانا ندير حسب الموجود طبعا برك ملاحظة السكر كما موالفة نسبة الحلاوة بالنسبة لي كاس سكر عدي دون الحشو وان حشيتيه بي مربى و استعملتي التزين نقصي باه يجي المادلان معتدل الحلاوة على الاقل ناكلوا ونسبنو ونربحو صحتنا.