اقتباس:
المشاركة الأصلية كتبت بواسطة سدرةالمنتهى
وعليكم السلام امي 
ايه كان عاجبني ذاك البدرون حسيتو نتع بنات عزبات يناسبني احم احم 
قلت علاش ماتعلمش ونخيط روحي واحد على ذوقي الخاص
نعم يشبه لنتع بنتك بصح ماعرفتش شحال يسقاملي ميترة و واش من نوع الساتان العادية و لا ساتان ماروكان الخشينة
شوفي على حساب مافهمت نطبق الكتان على 4 و نثنيه على زوج و نفصل كيما البترون تاعك و نقصص
راكي وريتيلي ديجا التفصال ساهل على الكتان
قوليلي هذاك البوليرو لاصق عليه و لا ملبوس وحدو شحال نشري ميترة منو
هذه اسئلتي لحد الان وبارك الله فيك ربي يجعلها في موازين حسناتك على مساعداتك السخية |
شوفي بنتي
نوع الساتان تقدري تشري ساتان قومي نقطة على القاف
الا كنتي تاي فين متر وربع يكفيك
ما تطويش القماش على 4 بل تطويه على اتنين اي الصدر فصليه وحدو والضهر وحدو لان اعلى الصدر لازم يكون فيه زيادة اكثر من الضهر اما من البانسات لاسفل البدرون نفس الفصالة
اما البوليرو هو لاسق عليه متر واحد يكفيك وادا كان فيه البراج انتي ودوقك لازملك اكتر باش يكفيك ديري البراج فاليد وفي الصدر واسفل الضهر
ان شاء الله قدرت نوصلك الفكرة
