السلام عليكم و رحمة الله تعالى و بركاته
اردت اليوم أن أتشارك معكم تجربتي مع مرض الشرى أو Urticaria
ما هو الشرى
شرى هي الكدمات الجلدية البارزة المحمرة والمُثيرة للحكة الناجمة عن التفاعلات التحسيية لبعض انواع الأطعمه ( الحليب , البيض , الجوز والاسماك ) او العقاقير الدوائية ( الاسبرين , المورفين والآيبوبروفين) , وتظهر الكدمات بأشكال وبأحجام مختلفة . تؤثر الشرى في 20 % من الأشخاص في أحد مراحل حياتهم وتشيع بين السيدات أكثر من الرجال . تتميز الشرى بتغير حجمها السريع , تحركها واختفائها من موقعها وظهورها في موقع آخر وفي غضون ساعات , كما لا تستمر علامات الشرى اكثر من 24 ساعة . تُصنف الشرى الى حادة اعتيادية تتلاشى علاماتها بعد مرور 6-8 اسابيع , أما الشرى المزمنة فتستمر علاماتها اكثر من 8 أسابيع .
اسباب شرى أو الارتيكاريا
ترتبط الاصابة بالشرى بالعوامل التالية :
التفاعل التحسسي من بعض المركبات المتواجدة في المواد الغذائي
- يعض التركيبات الدوائية
- لدغ الحشرات , حبوب اللقاح
-ريش او شعر الحيوانات وخاصة القطط
- التوتر
- التعرض لاشعة الشمس المفرطة او درجات الحرارة النخفضة
- التعرق المفرط والعدوى .
نقولكم الان على تجربتي مع هذا المرض الي حكمني فجأة
في يوم من الايام لقيت بقع حمراء على شكل طفح جلدي ظهرت على جسمي تظهر في مكان مدة زمنية ثم تروح تماما من هذاك المكان وتخرج في مكان أخر مع وجود حكة شديدة
وبدا ينتشر في جسمي كامل من راسي لرجلي
ساعات كي نوض صباح نلقى شاربي التحتاني منفخ وعيني من تحت منفخين
رحت لبزاف طبة و عملت تحاليل باش نعرف المشكل هل هي حساسية تاع ماكلة ولا تاع دواء ولا اي نوع حساسية لكن كلشي تاعي خرج صافي
و الطفح ما زال في زدت رحت عند طبيبة أخرى تاع حساسية قاتلي عندك مرض الارتيكاريا نفس الي قالوهولي الطبة لخرين و قاتلي بلي يقولولو بالدارجة نتاعنا مرض
المرة
ماما ربي يحفظها لي انشاء الله قاتلي أنا نعرف هذا الاسم تاع المرض و قاتلي بلي كانوا يعالجوه بكري بواحد العشبة يسموها
المريوة
شراتهالي امي من عند يلي يبيع العقاقير راهي تشبه قليلا النعناع من هذيك الفصيلة
غسلتها و رحاتها في الروبو مع شوية ماء باه تطلق العصارة تاعها و دارتهالي في قرعة بلا ما تصفيها
ندير هذيك العصارة في طرف قطن و نمسح بيها البقع و الله و الله و الله استعملتها يومين راحت جمييييييييييع البقع الي كنت نعاي منها مدة 6 أشهر كاملة راحت نهائي
ارجو ان الي يعاني من هاذ المرض يجربها ما هو خاسر والو راهي حاجة طبيعية و انشاء الله تفيدكم كيما فادتني