حصري ومن مطبخي سفيرية بصح بطريقة جديدة وان شاء الله تعجبكم ولي يذوقها يطلب وصفتها وتعجبو وهي اقتصادية بصح صدقوني بنيننننننة على ضمانتي نبداو بالمكونات: نحتاجو صدر دجاج او النصف حسب افراد العائلة 2حبات بطاطا مقطعين على 2 واذا كانت البطاطا كبيييرة نفضل نقسموها على4 حبة جزر نقسمها ع الطول (هذي لمستي هي في الوصفة الاصلية ماكاش الجزر)اضفت الجزر باش نزيد من قيمتو الغذائية وباش تجي خفيفة كمشة جلبانة حبة بصل مقطعة رقيق او مرحية من الافضل البصل الاحمر(انا كان ماعنديش درت حبة بصل اخضر) 2الى3 فصوص ثوم مكرفجين 3ملاعق اكل زيت والثوابل: ملح.فلفل اسود.شوية قرفة .زنجبيل .ثوم مرحي .راس الحانوت +كركم.... ولي تحب تدير مكعب مرق الذجاج (جومبو) بصح انا مادرتش باسكو فيه الدسم بزاف وماما عندها الكوليسترول .. ونحتاج ايضا : كمشة حشاوش (دبشة) مقطعة +بيضة مضربة +من ملعقة اكل سميد رطب الى 2 ملاعق +فرماج شيف اوبربار انا نفضل بربار بصح هنا ماكاش عندي.... *نروحو للطريقة اولا نقلي البصل والثوم مع الدجاج في الزيت مليييييح والصور تبين ومبعد مايتقلاو مليح نضيف البطاطا والجزر ونخلط والجلبانة.... ثم الثوابل ونخلط ثم نمرق الماء يكون سخون وبحيث يغطيهم شوية برك ونغلق الكوكوت مينوت وكي دور نقص النار ونخليهم يطيبو في راحتهم من 20 الى 25 دقيقة **والسر تاعها هنا انها البطاطا طيب مع المرق باش ترفد لبنة نتاعو ملييييييح وتجي صدقوني بنينيييية على السفيرية العادية .... ثم كي طيب نجبد الدجاج وحدو يبرد ونفتتو والبطاطا والجزر ثاني نجبدهم بصح وهما سخونين نرفسهم ... ونحضر باقي المكونات والصورة تبين... ونخلط قع المكونات لي في الصورة ((وضيفو الثوابل فلفل اسود والقرفة وسيرتو القرفة تمدلها ذوق صذقوني فووور بصح ماتكثروووش برك والملح حسب الذوق)) والسميد اذا حسيتيها مازالت مطلوقة زيدي وشكليها كويرات وسطحيهم واحشيهم بقطعة الفرماج وهذي لمسة اختيارية بصح تزيد تعطيها بنة.. ثم نمرمدهم في الفرينة وهاهم جاهزين نقليهم ونحمرهم شوية وهاهي جاهزة نقدمها مع لاصوص تاع الجلبانة ومع البطاطا المقلية وان شاء الله تجربوها وتعجبكم ودعوة خيررررر تكفي ... **شجعوني اذا عجبتكم لأنو في جعبتي الكثير والكثير بصح راني مترددة انهم مايعجبوكمش