السلام عليكم و ربي يحفظك. اخي على الموضوع القيم و الشكر لكل من شارك بمعلومة او تجربة
جعلها الله في ميزان حسناتكم
اما فيما يخصني كسبت من مدة كليو فراشة ديازال 2009 تعلمت فيها مليح و دوك راني نسلك. روحي بصح عندي بعض النقائص من ناحية مراقبة السيارة بخصوص الوثائق او بخصوص الميكانيك. يعني ظروف حتمت عليا نبدا نسوق مباشرة بلا ما نحوس نفهم على حاجة وحدوخرا و هذا خطأ و راني نحاول نتعلم قدر المستطاع
استفساراتي هي
واش هي الوثائق اللي لازم نغيروها مرة على مرة مثلا هدرتو على la vignette
واش لازم نراقب في السيارة بشكل دوري
هدرتو على المبرد قلتو مرة في الاسبوع نخلوه مشغل لمدة 10 دقائق كيف ؟؟ و في هاد البرد؟؟
تسخين الديازال كي يكون البرد شحال يتطلب وقت (كنت طرحت هاد المشكل في موضوع مستقل و مازال راني نشك. علاخطرش كي راكي نشغل المحرك الصباح و بعد 5 د كي نديماري نحس التحرك مش سلس )
راه عندي مشكل في السيارة ان شاء الله ما خرجتش على الموضوع كي نكون نمشي بروميار دوزيام او يروميام و نحبس في الازدحام او نتوقف بلا ما نطفي المحرك نسمع صفير مزعج خارج السيارة من الناحية اللي نسوق فيها و هذا عندو اسبوعين من قبل ماكاش هدا الحس و كي نطفي الموتور يروح الصفير واش هو المشكل
المكابح شحال باش تتغير علابالي حسب الاستعمال بصح ماكسيموم
بالنسبة للسياقة
راني في هبطة و كاين ازدحام واش من سرعة لازم؟؟ بوان مور و نستعملو المكابح ولا بروميار
في نفس الهبطة راني نمشي تروازيام مثلا و نشوف فجاة طوموبيل حبست قدامي نديرها بوامور و لا لازم نديغرادي
و نفس السؤال كي نكون في طلعة
اسمحولي كثرت عليكم كاين حوايج راني نطبقهم من فهامتي و ممارستي اليوم و نخاف نكون غالط
بارك الله فيكم