او هذه طريقة الاخت ام كوثر
دوبارة حارة
نشمخ الفول والحمص قبل بليلة كل واحد وحدو
الغد ندير كل واحد وحدو في ماء وملح وقطرا زيت
الفول نضيفلو قطعة ليمون باه مايكحالش
نطيبهم في كوكوت مليح مليح نا نخليهم ساعة الا ربع
يعني يطيب مليح
والماء يكون مغطيهم فقط لاعايمين لاناشفين
كي نطفي عليهم نضيفلهم كمون مرحي ونخليهم بجنب
نقطع ربطة مليحة تع دبشة رقيق وسنات توم ومغرف هريسة كبيرة ومغرف طماطم مصبرة صغيرة وحبتين طماطم حمراء طازجة نرابيها مانرحيهاش بميكسور
وقرن فلفل اخضر حار نقطعو قطع صغيرة وملح وفلفل اسود وفلفل احمرحار وحلو وكمون انا نكتر خاصة كي يكون جديد واخضر وحبة قارص نقطعها و شوية زيت زيتون ونخلط مليح
عند التقديم
نغرف لوش من الحمص ولوش من الفول بالصوص تاعم ونحط عليهم ملعقتين او ثلاث من الدرسة الحارة ونخلط