السلام عليكم و رحمة الله و بركاته جبتلكم اليوم قاطو تاع كل يوم يعني بسيط تاع حليب لكن البنة مانحكيش هايل و مقرمش رووعة هو بين الصابلي و البسكويت ذوقو قريب من قاطو بيمو كأس ياوورت منكه كأسان من نوادكوكو كأس سكر 250 غ من مارغرين او زبدة بحرارة الغرفة 2 خميرة كيمياوية ملعقة فاني كأس زيت ملعقتان من مربى المشمش الفرينة حسب الخليط ،انا درت 7كيسان و نص للتزيين: اصفر البيض كاكاو قطرات ماء مربى او نوتيلا كوكاو او اي مكسرات اخرى الطريقة: في اناء نضربو جميع المقاديرو مباعد نجمعو بالفرينة تدريجيا لازم نزيدو غير بالشوي لعجينة تكون طرييييية كي نكوروها تكون الكرية ملساء ماشي العجين يتفتت . نحلوه العجين فوق سطح مرشوش بالفرينة و باه جينا ساهلة نحطو قطعة بلاستيك فوق العجين باه ماتلصقش نقطعو بالشكل و السمك لي حبيناه و ندهنوه بخليط البيض و الكاكاو نرسمو بالشوكةخطوط عمودية نطيبوها في الفرن على درجة حرارة متوسطة من تحت و مباعد نزيدو نشعلو من فوق باه تأخذ اللون الوردي و لازم تنتابهو مليييح لانو تمتم يطيب بعد إخراجها نجمعو كل قطعتين بالمربى او النوتيلا او قاناش او كريمة ثم تمرر الجوانب أيضا في المربى وتمرر في المكسرات و ممكن تخليوها عادي لانو البسكويت بنين من دون اضافات جربوه حبيباتي راهو بنييييين خاصة مع الحليب هذي الكمية دارتلي فوق 40 حبة لاصقة خبوه في علبة بلاستيكية باه يبقى محافظ على النكهة تاعو لبنات لي مايحبوش جوز الهند راهو الطعم مايبانش نهائيا لكن يمد قرمشة جميلة اللهم صَلِّ و سلم على سيدنا محمد و على اله و صحبة أجمعين