اختي نمدلك وصفتي اللي نعتمد عليها و راهي ناجحة كاس الكيلة هو كاس 250 ملل
6 بيضات +كاس زيت +كاس سكر + 2 لوفير+ 5 كؤوس فرينة بالتقريب و ممكن تزيدي شوية مغرف ولا 2 .................................ضربي البيض مع السكر حتى يذوب السكر تقدري بيدك ولا بالباثور و اذا استعملتي الباثور ما تكتريش بيه على خاطر رح يتشقق الكروكي كي تطيبيه .............و مبعد ضيفي الزيت و فالاخير الفرينة و الخميرة و كاين اللي يحط النشا لكن انا ما نستعملوش ينشفلي فمي و ملاحظة العجينة كي تولي ما تلصقش في يدك راهي مليحة يعني تقدري تتحكمي فيها
ديري حرابيش و و طرحي كل واحد فيهم على شكل خبزة يكون السمك تعها 1 سم و فالعرض كيما العرض تع يدك و مبعد دهنيها بالبيض و درري وفقها الجلجلان ولا كاوكاو وولا اي حاجة حبيتي
درك نحطلك الروابط اللي فالمنتدى اصبري عليا
https://www.djelfa.info/vb/showthread.php?t=1851783