[القناعة كنز]

السلام عليكم اليوم جبتلكم غرايف البغرير او القرصة كل واحد كيفاه يسميه احنا نقولوا لغرايف و ان شاء الله نقدر نشرح و نوصل الفكرة نبداو باسم الله بالمقادير: 4 كيلات سميد انا استخدمت سفينة [img]://www12.0zz0.com/2015/10/15/15/590172857.jpg[/img] هايل للغرايف ما يعذبكش فالعجين و كيلة زيت الما البيض حسب الكمية انا درت اكثر من كيلو بشوية درت 10 بيضات و قبل ما ننسى الملح و الماء طبعا.
نروحو لطريقة التحضير: نحط السميد و الزيت و نبسس ثم نبل بالماء و نخليها ترتاح ثم نبدا نعجن مع التقطيع و نزيد الما حتى تولي جارية
في نفس الوقت نشعل على الطاجين يسخن نحطلو الملح نكوي الطاجين بيه بعدها نمسحوه من الملح قبل ما نحطو يطيب نحطو البيض و خميرة الحلوى (نسيت ما قلتش عليها فالمقادير) و نطيب عادي و من النتيجة النهائية غرايف و لا اروع اممممممم
ان شاء الله يعجبكم تحياتي