السلام عليكم لبنات واش حوالكم جبتلكم وصفة كيكة اقتصادية و طعمها روعة جبتها من عند جارتنا المقادير : نفس علبة الياؤورت نكيلو بيها المقادير الباقية 1 ياؤورت طبيعي 1 كيلة سكر 1 كيلة زيت 2 بيض 1 خميرة كيميائية 3 كيلات فرينة فاني معجون المشمش التحضير : نضربو البيض مع السكر و الفاني مليح و نضيفو الزيت و بعدو الياؤورت و بعدو الفرينة و الخميرة ندهنو صينية فرن بالزيت و الفرينة و نصبو الخليط و ندخلوه الفرن تنشف و نشعلولها من الفوق حتى تحمار كي طيب نخرجوها و ندهنوها بالمعجون من الفوق و نقطعوها و شهية طيبة نتمنى تجربوها مذاقها هايل و خفيفة انا الصراحة عجبتني ياسر انا هنا ضاعفت الكيل درت 2 علب ياؤورت