البوراك العجينة تعمله امي ويجي زوييييييييين من يديها كل لي يذوقه يطلب المزيد ويبقالهم في الذاكرة ومينساوش بنته بشهادت هدوك الناس ليكلوه مرنيش نجامل عملته مرة لزوجة عمي مين كامت عروس ومروووسنين وتوحمت عليه وعملت مرة لنسابنا معرفوش وعجبهم بزاف وطلبوا الوصفة وعملته مرت خويا كيكانت عروس وعايلتها وفي اخر مرة زارنا ولد عمي وزوجته الفرنسية وهبلت عليه تكل وتقول لذيذ نخليكم مع الصور ولوا انو مصورتش كامل المراحل المقادير الكاس لي تعبر بيه هو كاس تع لتاي 3كيسان مملوؤة مليح فرينة نصف كاس زبدة ذائبة وباردة تحبي ضيفي شوية زيت ملح وتلمي بشوية ماء وتعجنيها امي تعملها في ربوا تركيها ترتاح الحشو بصل مقطع رقيق ولا مرابي كفة وملح حرور وقرفة وخليهم يتقلاو تم ضيفي البيض ومعدنوس كما حشوة البوراك العادية من بعد حلي العجينة في الاة لي نحلو بيها البحلاوة خدميها مليح حتى توصلي رقم 5 يعني العجينة تكون رقيقة تشكلي كما في الصورة وتقليهم في الزيت وترمي عليهم من فوق بواسطة الملعقة تقدميهم مع حريرة او شربة وسبلطة خضرة نتمنى يكون واضح الشرح اي استفسار انا في الخدمة