السلام عليكم
هدا وين خلصت من الكروكي درت وصفة أم كوثر ربي يحفظها جاني هايل يعطيها الصحة للأسف راني نكونكتي بالبورتابل معرفتش نحط صورتو بصح صدقوني هايل و ساهل
الوصفة تاعو
6 بيضات و نفس كيل تاع البيض و تاع السكر عادي و نفسو تاع الزيت
قشور ليمون أو برتقال
كيسين خميرة كيميائية 2
و كيلو فرينة
الطريقة
خلطي مليح البيض مع الزاست و السكر من بعد زيدي الزيت و خلطي و في الأخير الفرينة و الخميرة
ادهني البلاطو بالزيت ديري حرابش و بعديهم على بعضاهم ادهنيه ببيضة أنا حلطت معاها شوية فقط من القهوة و زينيه بالجلجلانية
و كي يطيب قصيه و هو سخون
أنا جبدتو في نص الطياب و قصيتو من بعد قلبيه على جنبو و حمريه من الجهتين و تقدري تستغناي على هذي الخطوة فقط إذا حمرتيه من الجهتين يصبح مقرمش و أنا بالنسبة ليا هذيك هي حلاوة الكروكي
إن شاء الله نكون فدتكم بتجربتي و نرجع نشكر أختي أم كوثر على الوصفة
صح فطوركم و صح عيدكم تعيدو بالصحة و الهناء