اليوم جبتلكم قاطو الصابلي علابالي راكم تقولو نعرفوه هناك أنواع كثيرة من الصابلي بصح حبيت نمدلكم طريقتي حبيت نوريها للاخوات المبتدئات حتى يصلن الاحتراف هناك ليساقسو علاش اجيهم مفتت ومشقق أنا نحضرو في كل مناسبة خاصة في عيد الفطر بنتي تموت عليه وهاد المرة خليتها هي لي تحضر العجينة هي موالفة تقطعلي و أهم حاجة هي العجينة كافاش تخلطيها هادي طريقة سهلة لي المبتدئات مفيهاش لا بيض لا خميرة نبداو بالمقادير 250غ مرقرين طرية و كاس سكر رطب 1 ملعقة صغيرة فاني فرينة هادا مكان خلطي الزبدة والسكر براحة اليد حتى تولي كيما الكريمة زيدي الفاني لمي بالفرينة بشوياو ماتيبسيش العجينة بزااااف عجينة طرية باه ماتفتتش ( المهم تكون العجينة طرية ) قسميها دي 4بول, وحطيها في ساشي بالنسبة لطريقة العمل في الحل والتقطيع كي تبداي تحلي حلي بيبولة ونحلها فوق قطعة بلاستيك حطي العجينة في الوسط وحطي الجهة الاخرى من الكيس افتحي العجينة و لي يقعد ماتعجنيهمش طميهم برك و حليها و قطيعي بالطوابع ليعندك أنا نحطهم في الفرينة و نقطع باش كي نحيها بسهولة محافظة على شكلها ثم قطعي الشكل الي حبيتي رشي مليح السنية بالفرينة وحطيهم ودخليهم يطيبو مدة10الى 15 دقيقة على حساب الفرن ماتنزعيهمش حتى يبردو شوية ثم زينيهم بالمعجون و كي تحبو دسوه حطوه في بواطة تع بلاستيك ان شاء الله تجربوها وتعجبكم دعواتكم