السلام عليكم
انا رايي في البداية كان ان كل واحد يكمل الشعبة التي بدأها لان حتى الرياضي لو يروح يدرس علوم تجريبية يقدر يحصل لا خاطر متعودش على العلوم و اسلوب التحليل و الاسلوب العلمي (والعلوم ما هيش حفظ فقط) و عليه ما ضارش تسوطي من شعبة لشعبة
لكن ....لكن ....لكن الامور سياسية بكل صراحة علوم تجريبية راهم يزيروهم لانهم يشجعوا التخصص الرياضي و التقني رياضي الذي يبقى الاقبال عليهما محتشم شوفو برك الوزير سلال كي قال لازم نشجعوا الاقبال على 1 و 2 ثانوي رياضي و تقني رياضي و شوفو نسبة النجاح في كل تخصص يجيبلكم الخبر
وزيد اذا انا علوم تجريبية و يصعبولي الرياضيات او الفيزياء و عام كامل وانا نجبد في العلوم و تديلي وقتي لا لا بالاك رياضيات خير على الاقل عام كامل و انا نركز على الرياضيات و الفيزياء و برنامج الفيزياء قريب بزاف للعلميين فرق تع درس واحد وزيد الرياضيات الدروس اللي زايدين ما راهومش صعاب (قريناهم في البرنامج القديم و كنا علوم طبيعة و حياة)نقصد القسمة في زاد و الاعداد الاولية و القواسم و المضاعفات الترديدات
اما درجة الصعوبة طبيعي الرياضيات اصعب من العلوم تجريبية بصح اللي كان يقرا عندو عام كامل باه يتمرن
انا ما راني نقول رياضيات اسهل و لا علوم تجريبية هو رأي شخصي و كل واحد واش يواتيه
المهم واحد يستخير مليح و يزيد يشوف