شكرا على التشجيع نعطيكم وصفتي الساهلة و لي عمرها ماراح تخيبلك ان شاء الله
نبدوا بسم الله الرحمن الرحيم:
حبة بصل كبيرة
02حبات طماطم
حمص
عدس
شربة رقيقة الفارميسال
فرينة
طماطم مصبرة
لحم
ورقة رند
غصن كرافس
توابل
قصبر
توم
معدنوس
نقطع البصل و نقليه مع اللحم حتى يذبال من بعد نقطع الطماطم و نضيفها و نضيف و رقة الرند و الكرافس و نضيف الملح فلفل اسود فلفل احمر حلو سكنجبير جوزة الطيب و من بعد نضيف طماطم المصبرة و نمرق نخليها طيب في غرضها في هذ الاثناء نخلط الفرينة مع الماء في قارورة ماء صغيرةو حركها مليح من بعد ما طيب الخضرة نضيف الفرينة و نخلطها مليح نجيب الميكسار و نضرب كلش مع بعض
نرجعها على النار نضيف لعدس و الحمص و نخليهم يطيبو كي يطيبو و تختار شوي لحريرة نضيف الشوربة و نخليها طيب في هذ الوقت نوجد العقدة ثوم مرحي+قصبر مرحي +شوي معدنوس مرحي +عصر قارص+ توابل لحريرة (سبق و حطيتهم في موضوع من قبل)
نضيفوهم و نخلطهم مليح نطفي النار و نغلق عليها .
هذا بالنسبة للحريرة
اما:
المقبلة :
اوراق ذيول مرقاز مقلي و مقطع جبن قطع و جبة مرحي
نضع و رقة الذيول نضع فوقها الجبن القطع +قطع المرقاز +الجبن المرحي و نغلقها انا نفضلها طول و من بعد نقليها في الزيت نحطو جهة الجبن المقطع هي الاول و من بعد نقلبوها على الجهة الثانية
وبالهنا و الصحة