[mahopa18]

السلام عليكم بنات
اليوم جيتكم بوصفة للبانكيك سهلة التحضير ورائعة الذوق


كل مرة نقول نجربها
واليوم قررت باش نديرها
نخليكم مع المقادير وطريقة التحضير
250 غرام فرينة
70 غرام سكر عادي
200 مللتر حليب
5 ملاعق كبار زيت
3 بيض
2 فانيليا
1 خميرة كيميائية
قرصة ملح


الطريقة
بالخلاط اليدوي... نمزج الحليب + بيض + قرصة ملح.. نخلط مليح.. ونضيف الزيت شوية شوية مع الخلط




من بعد نضيفو كل المكونات الجافة (فرينة+سكر+فانيليا+خميرة كيميائية)




من بعد نضيفو شوية حبيبات الشكولاطة (اختياري)


ونخلطو مليح مليح مليح


نتحصلو على عجينة سائلة
نخليوها تريح لمدة 30 دقيقة



في مقلاة ماتكونش تلصق... واذا حبيتو دهنوها بالزبدة
نديرو كمية من العجينة تكون تقريبا 3 ملاعق كبار


نخليوها على نار هادئة حتى تظهر فقاعات على العجينة (تقريبا 5 دقائق)



نقلبها باش تطيب من الجهة الثانية (تقريبا 2 دقائق) وديما نخليوها على نار هادئة تخاف تحترق




تقدرو تزينو البانكيك بالعسل أو نيوتيلا.. كيما تحبو على ذوقكم







دعاوتكم أخواتي
سلاااااام