السلام عليكم اليوم جبتلكم مقبلة خفبفة و توالم مع العصير كمملحات عدرا ماصورتش كامل المراحل لانو كنت مزروبة و ماكاش الوقت و مع التربية ووو راكم عارفين الوصفة ساهلة جيببي عجين مورق و كل وحدة و طريقتها لكن ماتحليهاشش 6 تور ديري 4 يكفو تحليها رقيقة و نقطعيها بالطول الى شرائط كما هو موضح فييي الصورة امبعد جيبي لي كورني تااعك و لفي عليهم العجينة و مع الاخير لصقي الطرف بقليل من البيض و امبعد ادهني لي كورني تاعك بالبيض و دخليهم للفرن و حطي الكورني على الجهة لي فيها اللقية يعني الطرف اي لصقتيه بالببيض. طيبيهم و خليهم يبرردو مليح باش تحشيهم لانو راح يجو هشاش و يتكسرولك ادا ما بردوش و ارتاحو. اللحشوة: الله غالب ما صورتش المهم انا حضرت بيشاميل شوي ثقيلة مش بزااف و زدتتلها فرماج ابيض و تبلتها ملح و فلفل اسود و خليتها بجنب و جبت صدر دجاج قطعتو مكعبات و قليتو مع بصل فلفل اكحل قرفة ماح و زيت طبعا و زدتلة راس الحانوت و شوي كمون و شوي زعيترة قليتهم مليح و ضفت غير شوي ما و خلتهم باش الدجاج يدخلوه الحرور و نطيبوه على نار متوسطة حتتى يعاود ينشف بعدهها خلطت البيشاميل مع الدجاج و بالتالي الحشوة وجدت لي نحشي بيها نجيبو لي كورني نحشوهم بملعقة صغيرة و نستعين بالكوردون او تاع الشواء الكبار و ندخلو الحشوة للاسفل و نككلو نعمرو لي كورني نوجدو فرماج رابي و نديرو شوي من فوق و نزين بزيتون في كوردن و شوي معدنوس