[اسمهان79]

السلام عليكم ورحمة الله وبركاته
ان شاء الله تكونو كامل لاباس اخواتي الكريمات
حبيت نقلشكم اليوم مع طارطة التفاح
يلا كولو واستبنو. هاذ الطارطا تجي مع المشروبات بصح انا من جوعي شربت بيها الحليب
هههههههه
ملهوفة






نقولوبسم الله
يلااااا
مقادير الحشوة



2تفاحات مقشرين و مبروشين
4م ك معجون المشماش
4 م ك سكر عادي
1 م ص فاني
1 م ك نشاء
كاس ماء
ملون اخظر
مقادير العجينة



150 غ زبدة
1 م ص فاني
4 م ك سكر رطب
1 بيضة
2 م ك ماء
فرينة
طريقة التحضير
اولا نحل النشاء مع الماء مليح



ثم نضيف السكر المعجون الفاني
والتفاح المبشور ثم الملون الاخظر



نخلط مليح ثم نحط فوق النار ونحرك حتى يثقال مليح
ثم نخليه يبرد مليح



نروح للعجينة
نخلط الزبدة مليح باليد
ثم السكر والفاني ثم البيضة والماء
ونلم بالفرينة نغطيها ونخليها ترتاح ربع ساعة



نطرح العجينة في المول بعد ما ندهنو



ثم نفرغ الحشوة



نطرح العجينة الباقية ونعمل شرائط بالجرارة



ونزين الطارطة نتاعنابخطوط متقاطعة



نطيبها
نذرذر عليها سكر رطب



نخليها تبرد مليح ونقسم



وبالصحة والهناء



هي نورمالمو تتقدم مع العصائر بصح انا وجدتها مع الحليب
ما صبرتش غلبتني كرشي امالا قلت ناكلها مع الحليب واحد ما شاف
هههههههههه



انا شخصيا عجبتني
وان شاء الله نتوما ثاني تعجبكم
في امان الله