جيتكم اليوم بحلوة خفيفة وهااااااااااااايلة تذب في الفم وبمقادير بسيطة جداا مقادير العجينة 250غ مرغرين طرية 100 غ سكر ناعم 2ملاعق كبار ماء الزهر ملعقة صغير فاني وحبة بيض و2 ملاعق صغار خميرة كيميائية 500 غ فرينة الحشو نحتاج كمية من حلوة الترك نبدا بطريقة التحضير نخدم المرغرين مع السكر الناعم حتى نتحصل على كريمة ثم نضيف البيضة وماء الزهر ونخلط مليح حتى يتجانسو قاع مع بعض وبعد ذلك نضيف الفرينة مع الفاني والخميرة ونبدا نخلط بشوي حتى نتحصل على عجينة متماسكة كما في الصورة نقسم العجينة الى كرات صغار حوالي 20غ نهرس حلوة الترك بالفرشيطة ومن بعد نفتح الكرات على شكل غراااف ههه ونضيف قليل من حلوة الترك اللي كنا هرسناها من قبل ونغلق الكرة تاع العجينة مليح حتى نخرج الهوا اللي داخل باش ماتتشققش وتخرج حلوة الترك ونكورها مليح وبعد ذلك نبذا ننقش في الحبات بالنقاش دائريا كيما موضحة في الصورة حتى تتشكلنا وردة ونحطها في الصينية مرشوشة بالفرينة ونثبتها من فوق بالنقاش باش مانخسرلهاش شكلها ندخلهم للفرن على درجة 160درجة مدة 15الى20 دقيقة بعد مانخرجها من الفرن نخليها تبرد شوي ونرشها من فوق بالسكر ناعم انشاء الله تكون عجبتكم ونتمنى انكم تجربوها هاهو النقاش اللي نقشت بيه